small.logo

Legi En Esperanto

Samuel Nel·lo - JES 2015

Junulara E-Semajno 2015
Eger, Hungario

Unuafoje okazis JES en Hungario. Partoprenis ĝin Samuel Nel·lo.

Dum ĉi-tiuj kristnaskaj ferioj mi partoprenis la JES-on 2015/2016, kiu ĉi-jare okazis en Eger, Hungario. Kvankam estis nur mia tria esperanta aranĝo, mi jam sentis min sufiĉe kiel veterano: mi plimalpli sciis kion atendi kaj kiel funkcias ĉio. Mi denove konstatis ke la baza strukturo de junularaj esperantaj eventoj ĉiam estas plimalpli la sama: urbo en centra-orienta Eŭropo, nek tro granda nek tro malgranda,  iomete kaduka gastejo, teruraj manĝaĝoj, interesa amaso da homoj (mojosaj kaj aliaj...), kaj socia babilado, trinkado kaj ludado 'ĝis la nokto-nokto-fin'.

Read more: Samuel Nel·lo - JES 2015

Samuel Nel·lo - Internacia Junulara Kongreso 2016

Internacia Junulara Kongreso 2016
Pollando

La Internacia Junulara Kongreso en 2016 okazis en Vroclavo, Pollando. Partoprenis ĝin Samuel Nel·lo Deakin.

Junularaj kongresoj estas iomete kiel la usona filmo La tago de la marmoto ("Groundhog Day") – kelkaj detaloj ŝanĝiĝas jaron post jaro, sed la esenco de la eventoj ĉiam restas pli-malpli la sama. Solena malfermado, internacia vespero, trinkejo, gufujo, danckursoj, "Dancu la bambon"... Estis jam mia kvara esperanta aranĝo, do mi jam sciis kion atendi, kvankam mi certe ne konsideras min spertulo. Eble pro pigreco, eble pro skeptikeco, aŭ eble simple pro natura temperamento, mi kutime ŝatas preni diskretan sekundaran rolon kaj simple observi kiel fluas la semajnon sen fari multe... 

Read more: Samuel Nel·lo - Internacia Junulara Kongreso 2016

Samuel Nel·lo - JES 2013

Junulara E-Semajno 2013
Unua evento por Samuel

La novan jaron bonvenigis junuloj en la Pollando

Ĉi tiujn kristnaskajn feriojn mi fine partoprenis mian unuan Esperanto-renkontiĝon: la 5an Junularan E-Semajnon, kiu okazis en Polando dum la 2013-2014a Novjaro. Antaŭ la vojaĝo, mi iomete timis anticipante la renkonton: probable estos ĉìuj stranguloj, mi diris al mi... Kaj fakte, mi pli malpli pravis: mi pensas ke mi ne eraras, se mi diras ke multaj partoprenantoj estis ekstravaganculoj en ia aŭ alia maniero (eble ankaŭ mi mem...). Tamen, mi fakte renkontis multajn interesajn kaj simpatiajn homojn – ankaŭ iuj “stranguloj” estis vere ĉarmaj. Entute, mi tre ŝatis la sperton ĉeesti la JES-on.

Read more: Samuel Nel·lo - JES 2013