eta.emblemo

Read In English

Bonvenon al la retejo de NoJEF, la Norvika Jubilea Esperanto-Fondaĵo. Ni estas estas bonfara kaj laŭjure neprofita organizo kiu finance subtenas junulojn per subvencioj por ĉeesti Esperanto-eventojn. Sube de tiu mesaĝo vi trovos la plej lastatempe afiŝitajn raportojn de subvenciitoj pri la eventoj ĉeestintaj. Se vi bezonas pli da informoj bonvolu trafoliumi la supran menubreton aŭ kontakti nin ĉe This e-mail address is being protected from spambots. You need JavaScript enabled to view it. .

Rowland Goodbody - ArKonEs 2014

ArKonEs 2014
Kaj ankaŭ Interlingvistika Simposio!

Okazis ambaŭ aranĝoj en Poznan, Pollando

Ĉijare mi ĉeestis ne nur la Interlingvistikan Simpozion de la Universitato de Poznan, sed ankaŭ la 30an ArKonEs - ‘Artaj Konfrontoj en Esperanto’. La Interlingvistika Simpozio estas dutaga akademio aranĝo lige al la Interlingvistikaj Studoj en Poznan, sekvata de ArKonEs en preskaŭ la sama loko. La simpozio okazis de la 25a ĝis la 26a de septembro, kaj ArKonEs de la 26a ĝis la 28a.

Mi studas lingvistikon, do mi tre ĝuis la eblecon partopreni lingvistikan akademian konferencon kadre de Esperantujo. Estis prelegoj en Esperanto, la angla, kaj la pola, kovrantaj diversajn temojn de la strukturo de Esperanto mem, al la klasifiko de planlingvoj ĝenerale, kaj lingvopolitikoj mondskale kaj ties efikoj. Mi aparte ĝuis prelegojn de Sabine Fiedler pri sintenoj de akademianoj pri Esperanto, de Katalin Kováts pri edukado de plurlingvaj infanoj, kaj de Nicolau Dols pri fonetikaj aspektoj de Esperanto.

Legi pli: Rowland Goodbody - ArKonEs 2014

Sam Bull - Berlina Intensa Kurso 2014

Berlina Intensa Kurso 2014
Nova evento en la kaledaro!

La Intensan Kurson organizis Judith Meyer kaj Chuck Smith

Dum la semajnfino mi partoprenis en intensa kurso tra Berlino. Ĉi tiu kurso estis similis al turismo kaj ni vojaĝis tra multaj lokoj en Berlino. Mi alvenis vendredon nokte kaj sabaton matene mi renkontis Judith, unu el la du gvidantoj.

Ni vojaĝis al la Esperanto-Domo en Berlino. Tie ni renkontiĝis kun la aliaj kursanoj. Dum atendado ni plu konatiĝis kaj faris etajn ekzercojn, pri ekzemple la n-finaĵo. Ĉi tiuj facile sentigis nin komfortaj unu kun la aliaj.

Legi pli: Sam Bull - Berlina Intensa Kurso 2014

Jeanna Roberts - Somera Festivalo 2014

Somera Festivalo 2014
Unua EAB-aranĝo por Jeanna

Somera Festivalo okazis ĉe Shallowford House, Staffordshire

Pasintsemajne mi partoprenis la Someran Festivalon de la Esperanto-Asocio de Britio ĉe Shallowford House en Staffordshire. Mi havis tre ĝuplenan sperton, lernis multajn novajn vortojn kaj renkontis multajn novajn amikojn.

Kiam mi unue iris en Domon Shallowford la lundon mi estis tute timigita. Neniu konis min kaj ĉiuj, kiujn mi povis vidi estis multe pli aĝa ol mi. Mi ankaŭ nur lernas Esperanton ekde 2 monatoj kaj do mi ne havas tre grandan vortprovizon.

Legi pli: Jeanna Roberts - Somera Festivalo 2014

Sam Bull - Somera Festivalo 2014

Somera Festivalo 2014
Unua EAB-aranĝo por Sam

Somera Festivalo okazis ĉe Shallowford House, Staffordshire

Mi ĵus revenis el mia unua Esperanto-evento, Somera Festivalo de la Esperanto-Asocio de Britio. Ĝi daŭris 5 tagojn ĉe la bela Shallowford House. Mi partoprenis la progresantan kurson, kiun gvidis Jack Warren.

Mi ĝoje konstatis, ke mi kapablis kompreni ĉion, kion diris ĉiuj. Mi ankaŭ konstatis, ke post nur unu aŭ du tagoj mi parolis esperante pli kaj pli facile.

Legi pli: Sam Bull - Somera Festivalo 2014

Rowland Goodbody - SES 2014

SES 2014
Reveno al SES

Ĉi-jare okazis SES dufoje en malsamaj landoj. Rowland ĉeestis la slovakan.

SES (Somera Esperanto Studado) estas oficiala kongreso de retejo lernu.net, kiu okazas ĉiujare en Slovakujo. Ĉijare ĝi okazis de la 12a ĝis la 20a de julio.

Dum monatoj antaŭe mi antaŭĝojis la ĉijaran SES, ĉefe pro du kialoj: la ĉiufoja mojosa kaj amikema etoso, kaj reveno al la taŭga kaj jam konata de mi kongresejo en Nitra. SES ĉiam havas buntan programon, inkluzive instruadon je ĉiu nivelo, kulturajn programerojn, ekskursojn, koncertojn, prelegojn ktp. Ankaŭ menciindas, ke ĉifoje TEVA (Tutmonda Esperantista Vegetarana Asocio) kongreso okazis paralele kun SES, kun kelkaj, kiuj partoprenis ambaŭ.

Legi pli: Rowland Goodbody - SES 2014

Adham Smart - Tutkelta Kongreso 2014

Tutkelta Kongreso 2014
“Bone, kiom da profundfrititaj Marsoj?”

La 1-a Brita Kongreso de Esperanto okazis en Pittlochry, Skotlando.

Kiam mi eksciis pri la Tutkelta Kongreso kiu okazontis en Pitlochry, skota turisma urbeto ĉe rivero kaj montaro, mi senhezite decidis iri ― ĉu kredeble, ke mi jam loĝas en Londono dum dekkvar jaroj kaj neniam vizitis Skotlandon? Pro pigreco kaj timo pri la malfacilkompreneblaj akĉentoj de niaj najbaroj, Skotlando estis malpreciza, nuba fantazio por mi, sed nun estis la ĝusta tempo por realigi la sonĝojn, kaj la ĝusta ilo por fari ĝin estis Esperanto.

Legi pli: Adham Smart - Tutkelta Kongreso 2014

Christian Shtarkov - Tutkelta Kongreso 2014

Tutkelta Kongreso 2014
Pittlochry, Skotlando

La 1-an Tutkeltan Kongreson partoprenis Christian, bulgaro studante en Skotlando.

Dank' al la subvencio, kiun mi riceveis de NoJEF, mi havis la eblon ĉeesti la 109-an Skotan Kongreson en Pitlochry, Skotlando, kiu estis samtempe la 1-a Tutkelta Kongreso. Mi jam estis ĉeestinta aliajn kongresojn internaciajn, sed tiu estis mia unua en Skotlando, kaj verŝajne unu el la plej interesaj.

Legi pli: Christian Shtarkov - Tutkelta Kongreso 2014

Maycon Fernandes - Tutkelta Kongreso 2014

Tutkelta Kongreso 2014
Pittlochry, Skotlando

La 1-a Tutkelta Kongreso ankaŭ estas la unua en Britio de Maycon, brazilano studante en Skotlando.

Dank' al The Norwich Jubilee Esperanto Foundation - NoJEF, mi ĉeestis tiun tre kulturplenan kaj ĝojan kongreson en Pitlochry. Feliĉe, mi ricevis NoJEF-an subvencion por partopreni dum tuta evento. Fakte, ĝi estis la unua Esperanta kongreso for de Brazilo en kiu mi partoprenis. Do, mi certas ke ĝi estis ja bonega komenco.

Legi pli: Maycon Fernandes - Tutkelta Kongreso 2014

Pliaj Artikoloj...

  1. Adham Smart - Brita Kongreso 2014
  2. Rowland Goodbody - Printempa Renkontiĝo 2014
  3. Elisabeth Jackson - JES 2013
  4. Rowland Goodbody - JES 2013

Paĝo 1 de 4