eta.emblemo

Read In English

Bonvenon al la retejo de NoJEF, la Norvika Jubilea Esperanto-Fondaĵo. Ni estas estas bonfara kaj laŭjure neprofita organizo kiu finance subtenas junulojn per subvencioj por ĉeesti Esperanto-eventojn. Sube de tiu mesaĝo vi trovos la plej lastatempe afiŝitajn raportojn de subvenciitoj pri la eventoj ĉeestintaj. Se vi bezonas pli da informoj bonvolu trafoliumi la supran menubreton aŭ kontakti nin ĉe This e-mail address is being protected from spambots. You need JavaScript enabled to view it. .

Jake Pentland - JEB Aŭtuna Kunveno 2012

JEB Aŭtuna Kunveno 2012
Kune al Belfasto!

Post invito de nove alveninta membro JEB vojaĝas al Belfast. Priraportas Jake.

La JEB-evento, kiu okazis en Belfasto (eble la unuan fojon en la historio de JEB) igis min konscii pri la grava rolo, kiun ludas NOJeF, kaj la unuaj naskiĝondiĉoj de Esperanto. Tiel, krom la ĥaoso kiun mi dum tiu renkontiĝo spertis, mi konsideras ke mi antaŭeniĝis kiel homo kaj esperantisto.

Legi pli: Jake Pentland - JEB Aŭtuna Kunveno 2012

Rob Hawkins - Brita Kongreso 2012

Brita Kongreso 2012
"La Esperon" reverkas Rob

La Skota Esperanto-Asocio kaj la Esperanto-Asocio de Britio kunlaboris por prezenti Esperanto-kongreson en belega Edinburgo inter la 20a kaj la 22a de aprilo 2012.

kunkongreso-logoPolitike laŭtema kongresurbo estis Edinburgo por la kuna Brita kaj Skota Kongreso de Esperanto. Dum esperantistoj kuniĝis, la Skota reĝistaro debatis cŭ disigi sin de Britio aŭ resti en la reĝejoj unuigitaj. Bonŝance, la urbo ne videble bruiĝis pro la afero, kaj en sovaĝa pejzaĝo bonvenis nin belega kaj impona urbo sub brilanta suno.

Legi pli: Rob Hawkins - Brita Kongreso 2012

Rowland Goodbody - SES & IJS 2012

SES & IJS 2012
Unuaj eksterlandaj Esperanto-aranĝoj por Rowland

La Somera Esperanto-Studado kaj Internacia Junulara Semajno ambaŭ daŭras unu semajno kaj okazas en diversaj urboj de unu jaro al alia en siaj hejmlandoj.

Aperas filmeto post la tranĉo.camera

Legi pli: Rowland Goodbody - SES & IJS 2012

Rowland Goodbody - Somera Festivalo 2012

Somera Festivalo 2012
Rowland helpas malaltigi la averaĝan aĝon!

Por la unua fojo post duonjarcento la Somera Festivalo de EAB okazas en nova loko.

Aperas filmeto post la tranĉo.camera

Legi pli: Rowland Goodbody - Somera Festivalo 2012

Alex Jarvis - Brita Kongreso 2011

Brita Kongreso 2011
Alex vojaĝas ĝis la alia angulo de la lando por ĉeesti sian unuan BK

La 90-a Brita Kongreso de Esperanto okazis en Eastbourne la semajnfinon de la 8-a kaj 10-a de aprilo 2011. La ĉeftemo estis "lumturoj, lumuloj kaj lumaĵoj".

Alex ĉe RoskildeMi strebis, antaŭ mia unua Brita Kongreso, nemulte pensi pri kia afero ĝi estus, volante lasi la sperton mem fari la impreson. Kun okuloj malfermaj, oreloj avidaj, kaj scivolemo malsata, mi enbusiĝis ĵaudon vespere, multe esperante.

Esperante mi estis fakte ambaŭsence. Laŭ la unua senco, mi faris ĝin kiel Esperantisto, kiu volis sciiĝi pli pri tio, kion homoj faras en mia lando pri Esperanto, kaj kia evento estas tio, kio estas verŝajne la plej grava brita evento en la kalendaroj de ĉiuj britaj esperantistoj, miaj samlandaj samideanoj.

Eble tiuj, kiuj ne dormis dum mia 12-hora tranokta busvojaĝo, audis min, kelkfoje murmurantan Esperantajn vortojn, por ke mi ŝajnu bona parolanto al la renkontota amaso de spertuloj kaj eminentaj esperantistoj, inter kiuj estis kelkaj nomoj jam konataj de mi. Mian kapon, antaŭ kaj dum la vojaĝo, mi strebis nur plenigi per Esperantlingvaj pensoj, lastaminute provante lerni eble-utilajn vortojn (simile kiel ĉiuj studentoj faras, ĉu ne?).

Legi pli: Alex Jarvis - Brita Kongreso 2011

Rob Hawkins - Brita Kongreso 2010

Brita Kongreso 2010
Unua BK por Rob

La Brita Kongreso en 2010 okazis en la alloga kimra urbo Llandudno inter la 14a kaj 16a de majo 2010.

KongreslibroKovriloPost taŭge verda, sed longa vojaĝo tra meza Kimrio, mi kaj mia amiko, Frank, atingis Llandudnon. Troviĝis belega marborda urbo, feliĉe libera de tipa kimra vetero. La haveno estas flankata de du montetoj, kiuj nomiĝas ‘Great Orme’ kaj ‘Little Orme’. Penda fervojo iras super Great Orme, kaj Manksinsulo videblas de la marbordo. Sume, la urbo ja estis belega, kaj kiel ni estis trovontaj, proponis ion por ĉiu ĉeestanto.

Por kelkaj la kongresa hotelo iometete tro multekostis, sed alia kialo, kial Llandudno estis bona elekto por la kongreso, estas ke ĝi plenas je malmultekostaj gastejoj. En unu el tiuj mi mendis du-noktan gastigadon. Nia gastejo estis ĉarma, funkciigata de familio, kaj la elekto de multaj aliaj junaj kongresanoj. Po dek ok pundoj por nokto, oni ne rajtas atendi pli ol puran, komfortan ĉambron kun matenmanĝo. La kongresejo, la Hotelo Imperial, estis granda konstruaĵo, iom pli impona ol la aliaj sur la strato. Kiam oni eniris la hotelon, ne tuj evidentis, kie la kongreso okazas, pro la grandeco de la ejo. Finfine ni rimarkis televidilon, kiu montris Esperantlingvajn informojn pri – kaj direktoj al – la kongreso.

Legi pli: Rob Hawkins - Brita Kongreso 2010

Thomas Preece - Drondo 7-a - 2011

Drondo 7-a
Unuafoja vizito al la sidejo de Esperanto en Britio por Thomas

La unua Drondo de 2011 okazis en oktobro en bela Barlastono kadre de la semajnfina evento Ni Festivalu.

drondo.logo

Bedaŭrinde iom maloftas, ke la junularo partoprenas aranĝojn de EAB. Pro tio mi dum longe volis partopreni aranĝon en Barlastono por ekkoni homojn el la pli vasta movado. Tamen mi ĉiam trovis, ke mi havis nek tempon nek monon.

Ĉi-jare, tamen, Drondo, dum la semajnfino 'Ni festivalu!', okazis tuj post la universitata ekzamenperiodo, do oportuna tempo, kaj mi ege dankas al NoJEF por solvi la problemon de mono!

Mi devas konfesi, ke antaŭ la alveno mi atendis iom tedajn konversaciojn pri ne tre interesaj temoj, bezonantajn lingvo-nivelon vaste pli altan ol la mia, interplektitajn de malgrandaj kaj nebongustaj manĝoj. Plezure mi povas raporti, ke mi fakte spertis ĝuste la malon.

Legi pli: Thomas Preece - Drondo 7-a - 2011

Jake Pentland - Drondo 5-a - 2010

Drondo 5-a
Unuafoja vizito al la sidejo de Esperanto en Britio por Jake

La unua Drondo de 2010 okazis en januaro kadre de la semajnfina evento Ni Festivalu. La loko estis Barlastono.

drondo.logoEn Barlastono, bela vilaĝo, sed ŝajne ordinara, alvenis Jake, knabo laca, juna, malgranda. Li jam kuris, trajnis, busis; forgesis sian ŝlosilon kaj poŝtelefonon, tamen la vilaĝo sune alridis la novalveninton sub bela blua ĉielo.

Atinginte Esperanto-domon, Jake sentis sin feliĉa, trankvila, bonvena. Li paŝis al la akceptejo, kie oni donis al li ŝlosilon kaj akompanis lin al la ĉambro. Tie li faris por si tason da teo kaj dormis, sin pretigante por bonega semajnfino.

Legi pli: Jake Pentland - Drondo 5-a - 2010

Pliaj Artikoloj...

  1. Thomas Preece - Brita Kongreso 2011
  2. Jake Pentland - Brita Kongreso 2011
  3. Laura Dickson - JEB Printempa Kunveno 2011
  4. Rowland Goodbody - Brita Junulara Renkontiĝo 2012